วิหารสีแดง เป็นศรัทธาแห่งฮอยธรรมฮอยบุญ
ต่อเติมพุทธศาสค้ำคูณ ร่มเงาบุญพระครูเมธี
คตหมื่นสมเด็จ สมยานามวิหารหลังนี้
สีแดงเเต้มแต่งเป็นสี กั้งบารมี ถิ่นเมืองเชียงยืน
ออนซอนกององค์บุญ พุทธคุณท่านพระครู
อุโบสถไม้ประดู่ แลมองดูแห่งแต่งาม
ลูกหลานเดินทางมา ฮอดมหาสารคาม
ล้อมลอบด้วยป่าไม้งาม แดงอร่ามเป็นตาออนซอน
องค์บวรสร้างก่อแปลง
วัดสีแดงวัดป่าหนองชาด
วัดสีแดงวัดป่าหนองชาด
ลูกเดินทางไกลด้วยจิตใจสายบุญสายธรรม
ยามตกทุกข์ระกำสิ่งหนุนนำบ่มีในใจ
ได้ยินคนส่าตั้งอยู่กลางป่าเฮ็ดได้จั่งได๋
วิหารไม้สีแดงหลังใหญ่ ศิลปะลาวไทย พม่าผสม
ยอมือพนมพรมน้ำมนต์ให้ลูกแน่ถ่อน
พอให้ใจหายฮ้อนคือดั่งคำคนส่า
วัดป่าหนองชาด พุทธศาสเลิศล้นบุญญา
พระผู้สร้างก่อแปลงวัดวา งามปานเมืองฟ้า กลางป่าไสว
ไกลบ่ใกล้คันใกล้บ่ไกลเส้นทางเทียวท่อง
ไกลบ่ใกล้คันใกล้บ่ไกลเส้นทางเทียวท่อง
บ้านหัวหนอง ดอนเงินที่ตั้ง
เชียงยืนยั้งบ่อนหมาย
เข้าเขตใกล้เมืองถิ่นสารคาม
วัดหลังงามคตหมื่นสมเด็จกะเฮ็ดงาม
เอาฮ้าย สี่มุมได้ใบเสมาตั้งทิศ
เนรมิตคิดสร้างโอ๊ยงามแท้ดอกอีหลี
มีเหรียญของดีพระเมธีครอบจักรวาล
ปัดเปาสิ่งร้ายไกลผ่านบุญญาธิการสมปรารถนา
หลวงพ่อเคาะหัวอาบพรมน้ำมนต์หายจนอุรา
ถ้าใครผ่านไปผ่านมาเป็นวาสนามากราบจักเทือ
มาลาดวงดอกไม้ มาตั้งไว้เพื่อบูชา
หนองชาดแห่งวัดป่าเลิศบุญญาคนเลื่องลือ เลิศเลิศบุญญาคนเลื่องลือ
รูปปั้นพระสมเด็จสองหมื่นองค์คงนับถือ
ลูกหลานได้ยอมือสมเพิ่นลือวิหารหลังแดง สมสมเพิ่นลือ วิหารหลังแดง
ปานแสงเทียนใสส่องหล้า
ปานแสงเทียนใสส่องหล้า
คูณศาสนาสารคามบ่อนถิ่น
สายลมโผผินอยู่กลางป่าไม้
ป่าไม้หนอป่าไม้ป่าไม้
เอาใจตั้งแม่นต่อมา ลุ้นบุญญาพระครูเมธี
เริ่มสร้างเจดีย์พระไตรเอาไว้
หวังพึ่งจิตใจให้สายบุญยู้
ฮ่วมบุญพระครูนำกันเด้อ เชิญมาเอาบุญนำกันเด้อ